(1925) El Neñu suaña
¡ Ay si toviera yo blanques esnales
Como de Dios los puros anxelinos !
Con diadema de pelres chispeaes,
Carru di oro y caballos perllucíos;
Pa franquiar á carreres el espaciu
En sin dexar per i dalguna güella,
Como 'l páxaru fiende 'l aire raudu,
Y una corona fer de cada estrella
Brillante, como tantes que tachonen
El ámpliu cielu 'ra tranquila noche.
Sobre tos ales ¡ oh anxelín benditu !
Llévame per enriba 'l firmamentu,
Y veré esa falanxe' n Paraísu
Qu' habitarán los escoyíos del Cielu
Co la Virxen María, mi bona Madre,
A quien venero al encendei un ciriu,
Y en su compañia i placerá 'brazame
Pa mostrame á mió madre, que 'n martiriu
Tará sola, pensible y aflixía,
Mas tú la ´lliviarás en isti día.
¡ Oh mi Dio ! que prefeutos lluminares,
Dulce conciertu, cánticu sublime,
Esos neños con güeyos como llames
De la gloria ¿ non son los serafines ?
¡ Qu' hermoso qu' armonía !
D' esi gozu enfinitu
El corazón non cansa noche y día,
Porque 'l dolor y' un mitu,
Nin les llárimes broten en sin tasa
Como se vierten donde 'l tiempu pasa.
¿ Quiénes son esos vieyos venerables ?
Que canten aleluya
Al entonar sos himnos inefables,
Mi ánxel.-Pero 'l neñu ya 'spatuxa
Pa dispertar, y güelve la cabeza
Sorprendíu de tar agonizante;
Como al siguiente día d' una fiesta,
Llorando 'I probiquín diz á so madre:
¡ Oh qué triste ya tar é ' nesti suelu
Para 'l que vien de contemplar el cielu !